Stjórn deildarinnar 2022

Anna Olsen, formaður

Anna María Þórðardóttir, meðstjórnandi

Elín Ragnarsdóttir, gjaldkeri

Willem Cornelis Verheul, meðstjórnandi

Katrín Baldvinsdóttir, meðstjórnandi

Þóra Jónsdóttir , meðstjórnandi

Aðalfundur deildarinnar er  21. Mars 2023 kl. 19:30

Þjálfarar deildarinnar

Yfirþjálfari karatedeildar Aftureldingar er Willem C. Verheul  4. dan, hann einnig er yfirþjálfari karatedeildar Fjölnis.

Aðrir þjálfarar :

Snæbjörn Willemsson Verheul 3. dan, Anna Olsen, 2. dan,  Þórður Jökull Henrysson 2. dan.  Gunnar Haraldsson, 2. Dan, Hugi Thór Haraldsson, 1. Dan, Heiða Dís Samúelsdóttir, 1. kyu

Æfingatímar

Karatedeildin er með æfingatíma alla daga vikunnar. Uppsetning á æfingatímum er þó með svipuðu sniði og sl. ár, þ.e. æfingar fara fram seinni part dagsins, yngstu iðkendur byrja og þeir elstu eru fram á kvöld.  Byrjendatímar eru kl. 17:30 – 19:00 á mánu – og miðvikudögum. Afreksæfingar eru í Egilshöll á mánu- og miðvikudögum með iðkendum Fjölnis .

Hópaskiptingar æfingaárið 2022-2023

Byrjendahópur –  5-11 ára

Framhald – yngri, 6-8 ára, blönduð belti

Framhald – eldri,  9-12 ára, blönduð belti

Framhald – unglingar, 11-15 ára, há belti

Fullorðinshópur – 16 ára og eldri

Afrekshópur – iðkendur sem einbeita sér að keppni, gráðun ofl. Yfirþjálfari velur í þennan hóp.

Fjöldi skráðra karateiðkenda í deildinni eru u.þ.b. 40 flestir eru á aldrinum 5 – 14 ára.

Ný byrjendanámskeið voru auglýst í ágúst 2022 fyrir 5-11 ára. Ánægjulegt var að sjá 10 nýja iðkendur í eldri hóp  8-11 ára og þar af helmingur stelpur. Aðeins færri byrjendur eru í yngri hóp eða 5, skemmtilegir og áhugasamir krakkar.

Íslandsmeistaratitlar og aðrir titlar í karate árið 2021

Eftirfarandi titlar hafa unnist

Íslandsmeistarar

Þórður Jökull Henrysson        1. sæti –  Senior, Íslandsmeistari í þriðja sinn

Bikarmeistarar

– Þórður Jökull Henrysson        1 sæti –  Senior

Reykjavíkurmeistarar

Þórður Jökull Henrysson       1. Sæti Senior

Árangur  og verkefni Þórðar Jökuls með Landsliðinu í Kata

1. 1. Opna sænska meistaramótið 7. Sæti senior eftir 3-2 tap fyrir bæði bronsverðlaunahafa og sigurvegara flokksins, haldið í apríl 2022.
   2. Evrópumeistaramót í Tyrklandi, Gaizantep í maí 2022. Skipulagning og samgöngur á þessu mót til skammar. Það hafði áhrif á keppendur frá Íslandi, Þórður rétt náði að fara í gallann áður en hann átti að mæta inná völl að keppa
   3. Evrópumeistaramót ungmenna  U21, Prag maí 2022
   4.  Gladsaze Cup – bikarmót í Kaupmannahöfn í spetember 2022  1. Sæti Senior og 1. Sæti opnum flokki.
   5. Evrópumót smáþjóða í Liechtenstein  keppti í 2 flokkum. 1. Sæti í U21 og  1. Sæti í senior
   6. Heimsmeistaramót U21 í Tyrklandi,  október 2022

Annað: er í 37 sæti á heimslista U21  male kata,  og 275 sæti á heimslista male kata

Félagsstarf og starfsemin árið 2022

Árið 2022 er búið að fara í að koma öllu í samt horf eftir Covid19, það hafði veruleg áfrif á starfsemi deildarinnar. Mót voru haldin en fara rólega af stað.  Beltagráðun var haldin með sama sniði og vanalega laus við takmarkanir vegna Covid. Á árinu bættu Elín Björg Arnarsdóttir og Þórður Jökull Henrysson við sig kumite dómararéttindum Judge – B.   Karate deild Aftureldingar státar því af 5 Kata dómurum. Þeir eru : Anna Olsen, Þórður Jökull Henrysson, Elín Björg Arnarsdóttir, Gunnar Haraldsson og Hugi Tór Haraldsson.  Gunnar og Hugi tóku sín Kata réttindi einnig á árinu.

Í desember 2022 var Þórður Henrysson valin íþróttamaður karatedeildarinnar og tilnefndur til íþróttamanns Aftureldingar. Hann hefur hlotið þann titil tvö síðastliðin ár, en hneppti ekki titilinn í ár.  Hann fékk einnig viðurkenningu fyrir þáttöku sína í Landsliðsverkefnum.  Þórður Jökull var valin Karate maður Íslands af Karatesambandinu árið 2022. Virðkilega ánægjulegt fyrir hann og deildina.  Við sendum ekki inn tilnefningar til Íþróttamanns Mosfellsbæjar 2022 þar sem Þórður er ekki búsettur í Mosfellsbæ þó að Afturelding hafa alla tíð verið hans félag.

Í desember kom Sensei Steven til landsins til að hafa æfingabúðir og beltagráðun. Einnig var hann með æfingar fyrir þá sem stefna á eða eru að keppa. Það er alltaf gaman að halda þessar æfingabúðir, um 150 iðkendur mættu frá Aftureldingu og Fjölni. Við breyttum aðeins fyrirkomulaginu á æfingabúðunum það kom mjög vel út.

Sá ánægjulegi viðburður var í lok æfingabúðanna að Sensei Steven gráðaði Sensei Willem á þessum tímamótum hann er nú kominn með Yondan (4.Dan)

Við gerum líka eitt og annað okkur til skemmtunar, boðið var uppá skemmtilega stund í fimleikasalnum, á Öskudaginn mátti mæta í Öskudagsbúningum á æfingu.  Í byrjun haustannar komu nokkrir góðir dagar og þá fóum við út og gerðum æfingar. Aðstaðan í kringum Varmá hentar reyndar illa í það, enginn sléttur grasflötur, en við skemmtum okkur vel.  Í byrjun haustannar þegar byrjendur voru að koma á sínar fyrstu æfingar ræddi Anna lauslega við foreldra og sagði frá því mikilvægasta.

Foreldrafundur var haldinn í byrjun annar fyrir foreldra byrjenda, þar sagði Willem yfirþjálfari frá íþróttinni og fyrkomulagi æfinga.  Við gátum boðið foreldrum barna í byrjendahóp að mæta á æfingu með þeim til að kynnast íþróttinni örlítið.
Það er alltaf gaman og kemur foreldrum mest á óvart að þetta er ekki eins auðvelt og það lítur út fyrir að vera.   Við fóurm í jólafrí í 3 desember. Reynslan  hefur kennt okkur að mæting á æfingar verður minni og minni í desember, þvi það er mikið um að vera í skólunum.

 

Aðstöðumál

Aðstaða deildarinnar er góð, en alltaf er hægt að bæta. Þakið lekur fyrir ofan speglana og við höfum bent á það en ekkert gerist. Eftir að skrifstofa Aftureldingar kom á hæðina bættist við langþráð salernisaðstaða á hæðina.  Enn erum við að kvartað undan þrifum og hita/kulda í salnum. Þrifin á salnum eru komin í  ágætis horfi, en miðað við notkun á salnum mætti gera betur.  Salurinn er notaður undir danskennslu fyrir Varmárskóla.  Það sem okkur finnst alltaf jafn skrítið er að aðstaðan sé lánuð út algjörlega án okkar vitundar eða samráðs.  Ekki er passað uppá að þeir sem nota salinn virði umgengnisreglur.
Deildin hefur verið að bæta við búnað sinn reglulega og keypt ýmis smá áhöld til að auka við fjölbreytni á æfingum.

Beltapróf og Kobe Oskaka International

Yfir æfingaárið eru haldin þrjú beltapróf. Æfingaárið skiptist í tvær annir og eru beltaprófin í desember, mars og  apríl/maí. Iðkendur greiða ekki sérstaklega fyrir beltaprófin en þeir fá viðurkenningarskjal, strípur á belti eða fara upp um heilt belti á prófum. Stjórn deildarinnar hefur selt iðkendum belti.

Karatedeildin varð „full member“ hjá Kobe Osaka International (KOI) þegar árgjaldið var endurnýjað 2015. Karatedeildin hefur verið aðili að KOI frá 2005 og frá upphafi var það markmið deildarinnar að verða fullgildur aðili.  Í því felst að sensei Steven Morris gráðar iðkendur a.m.k. einu sinni á ári en það gefur deildinni og iðkendum hennar ákveðna gæða einkunn. Allir, sem þreyta próf hjá Morris, fá alþjóðlegt skírteini og viðurkenningarskjal frá KOI.

Mosfellsbær   26.febrúar 2023

f.h. karatedeildar Aftureldingar

Anna Olsen